*HAPPY BIRTHDAY*
भाइयो आपणे हरियाणे का जन्म 1 नवम्बर 1966 नै होया था। इसके बाप का नाम भारत आर माँ का नाम दिल्ली देवी सै। यो भारत का 17वां छोरा था भाइयों ..ईब भाइयों यो पूरा 52 साल का हो गया। इब इसका 10वां मुखिया मनोहर लाल खट्टर सै।
कुछ खास बात अपणे दादा हरियाणे नै फूला मैं कमल, पेड पीपल ,पक्षी काला तीतर, पशु नीलगाय बहोत पसन्द सै।
हरियाणा देश का पहला कुणबा सै जिसके धोरै1970मैं बिजळी आगी थी। न्यू तो यो बहोत ही पहले पैदा होग्या था पर इसके माँ बाप इसकी डेट ऑफ़ बर्थ भूल गए तो इब जब यो 1 नवम्बर 1966 नै अपणे बड़े भाई पंजाब तं न्यारा होया तो इसके बाबू भारत नै इसकी याहे डेट ऑफ़ बर्थ बणवा दी बस तब तं हाम सारे इसका बर्थ डे 1 नवम्बर न ही मनावा सां।
आपणे बड़े भाई पंजाब तं न्यारा होया तो इसकै 7 छोरे थे इब इसके जमा हट्टे कट्टे 22 छोरे सैं जिनके नाम सैं
   ★भिवानी ,
   ★सिरसा ,
   ★हिसार ,
   ★फरीदाबाद ,
   ★फतेहाबाद ,
   ★जींद ,
   ★रोहतक ,
   ★अम्बाला ,
   ★पंचकुला ,
   ★कुरुक्षेत्र ,
   ★करनाल ,
   ★कैथल
   ★झज्जर ,
   ★महेन्द्रगड़ .
   ★रिवाड़ी ,
   ★पलवल ,
   ★सोनीपत ,
   ★पानीपत ,
   ★यमुना नगर ,
   ★गुडगाव ,
   ★मेवात,
   ★चरखी दादरी।
इनमैं सिरसा सब तं बड़ा बेटा सै अर दादरी सबतं छोटा। भाइयो चंडीगड़ इसकी बहु सै।जमा कसुती घणी सुणी बहु लेरया सै डाकि। भाइयो यो म्हारा हरियाणा कत्ती किसान सै। इसकै धोरै 44 ,212 किलोमीटर सुकेयर मैं फैलया एरिया सै।भाई जमा कत्ती खरब पति फर्म सै यो। इसकै आडोस पड़ोस म इसके सोतैले भाई आर चाचे ताऊ भी रहण लागरे सैं
★हिमाचल ,
★राजस्थान ,
★उतराखंड ,
★उतर प्रदेश आर
★इसका सग्गा भाई पंजाब भी इसके धोरै ऐ रहवै सै।
भाइयो करोडों पोते आर पड़ पोते -पोतियों का यो दादा-बाबा बण रहया सै । भाइयो इसके कुछ पोते आर पोतियों न तो इसका नाम सारे संसार मैं चमका राख्या सै। ये सैं
★ताऊ देवीलाल ,
★कपिल देव,
★कल्पना चावला,
★सोनू निगम ,
★बाबा रामदेव ,
★सुषमा स्वराज ,
★संजय दत्त ,
★सुनील दत्त ,
★बंसी लाल,
★सुभाष घई ,
★विजेंदर सिंह ,
★सुशिल कुमार ,
★सरदारा सिंह ,
★संदीप सिंह ,
★सर छोटू राम ,
★मेजर होशियार सिंह
★साक्षी मलिक और
★फौगाट बहनें
    ये महान सपूत सैं इसके।
अछया तो भाइयो ,थाम नै या जानकारी किसी की लाग्गी बताएयो जरूर अर आपणे इस हरियाणे का ध्यान बी राखियो।
       जय हरियाणा